Тарбия ҳомиладан бошланади

• 

Подробности

Бўлим: Тарбия

Чиққан санаси: 02 Апрель 2013

(Нашр қилинган санаси)

Фарзанд ота-онанинг келажаги, умиди, орзуси, бойлиги, чексиз қувончи, суянган тоғидир. Бўлажак она эса фарзандининг соғлом, кўркам, бақувват бўлишинн бутун вужуди билан истайди. Фарзанд ҳали еруғ дунёга келмасиданоқ, уни ўз организми билангина эмас, қалб ҳарорати билан боқади, меҳрга тўйинтиради.

Фарзанд кўрадиган аёлда шундай бир бебаҳо туйғу, ҳиссиёт пайдо бўладики, уни дунёдаги бирон-бир нарса билан таққослаб бўлмайди, бу Аллоҳнинг мўъжизаси - оналик меҳридир.
Ҳар бир ота-она фарзандининг қобил, ахлоқ-одобли бўлиб ўсишини орзу қилади. Оилада яхши тарбия топган фарзанд энг аввало ота-онасига қулоқ солади. Уларнинг панд-насиҳатларини одоб билан тинглайди ва унга амал қилади. Шунинг учун яхши инсонларни «Отангга раҳмат, сенга тарбия берган онангга раҳмат», деб дуо қилишади.
Ёш авлод тарбияси, уларнинг саломатлигини таъминлаш ва касб-ҳунарга ўргатиш аждодларимиздан мерос бўлиб келган та-биий инсоний одатлардир.
Бу борадаги муҳим вазифалардан бири болани чақалоқлик давридан бошлабоқ мустақилликка ўргатишдир. Чунки боланинг билимга бўлган ҳавасининг қарор топишнда энг масъулиятли давр унинг уч ёшгача бўлган вақти экани исботлантан.
Мактабгача тарбия ёшидаги болалар учун турли ўйинлар билан машғул бўлиш муҳим аҳамиятга эга бўлиб, уларни мактабда тайёрлайди, Шунинг учук болаларнинг ўз тенгдошлари билан ўйинларида уларга мумкин қадар кўпроқ мустақиллик берган маъқул.
Болани бошланғич мактабда ўқитиш даврида энг зарур нарса унда мустақил ўз устида ишлаш ва дарс тайёрлаш малакасини таркиб топтиришдир» Афсуски, кўп ота-оналар фарзандининг ҳисоб масалаларини ечиб берадилар ва ҳоказо. Хуллас, болани қийинчиликларни мустақил енгишга ўргатмайдилар. Натижада улар юқорироқ синфларда ўқиётганда шундай қийинчиликларга дуч келадиларки, буни ўзлари мустақил бартараф қила олмайдилар.
Одатда 3-5 синф ўқувчиларининг кўпчилигида радио, телевизор, компьютер, электр, техника, турли монтаж ишлари, конструкниялар ва бошқаларга қизиқишдари кўпроқ учрайди, Шунинг учун болаларга шу ёшдаёқ ўз қизиқишлари - бу қизиқиш қайси соҳага оид бўлмасин, техникагами, табиатгами, санъатгами, уни қондиришга имкон бериш зарур.
Болалар 5-синфга ўтгач, бир қатор қийинчиликлар билан боғлиқ масъулиятли бир давр - ўсмирлик бошланиб, бу мустақилликнинг ривожланишидаги янги поғонадир. Афсуски, жуда кўп ота-оналар буни тушунишни истамайдилар. Бола ҳаёти бу даврда ўзига бўлган муносабатнинг бутунлай ўзгаришини талаб қилишини унутмайлик. Ниҳоят, 16 ёшларда болалик даври тугаб, йигит ва қиз ўзини жамиятнинг ҳақиқий аъзоси деб ҳис қила бошлайди. Бинобарин, баркамол авлодни камол топтириш масаласи давлат сиёсати даражасига кўтарилгани бежиз эмас. Она юртимиз равнақи учун бақувват, руҳан ва жисмонан соғлом фарзандлар керак. Чунки фарзанд соғлом бўлсагина, улғайгач, халқнинг корига ярайди, бирон-бир соҳани мукаммал эгаллаб, юрт равнақи йўлида хизмат қилади.