Ислом фитрати (болалар ҳақида)

• 

Подробности

Бўлим: Тарбия

Чиққан санаси: 24 Апрель 2013

(Нашр қилинган санаси)

Табиий эҳтиёж инсонни ҳар қандай ҳолатда ўз измига бўйсундиради. Кимки бу қонуниятни бузмоқчи бўлса, шубҳасиз, ҳалокат томон одимлаган бўлади. Чунки оламдаги барча мунорсабатлар илоҳий мувозанат асосида қурилган. Уни Яратувчидан бўлак ҳеч ким ўзгартиролмайди.

Эътибор берилса, болалар ўйинга қаттиқ берилганида на чанқоқни ва на қорни очқаганини сезишади. Негаки ўша пайтда боланинг кўнгли ўйин завқига ташна, кўзлари ўйин сурурига оч бўлади. Лекин бу шавқ қанчалик узоқ давом этмасин, охир-оқибат болалар ўйиндан безиб, қорин ғамида онаси қучоғига отилади.

Бола табиатидаги моддий ва руҳий эҳтиёж мана шу тарзда алмашиниб туради. Улар гоҳ жойнамоз четидан жой олиб жимгина ота-онасига эргашади. Гоҳ укасининг жиғига тегиб, шовқин кўтаради. Асл фитратга яқин бўлгани учун ҳам болаларнинг бу жимлик ва шовқинларида адолат ва ростлик устивор.

Болаларнинг саволлари ажиб, саволингизга берган жавоблари ундан-да ажиб, уларнинг аразидан беғуборлик, қувончидан маъсумлик ёғилади. Уларнинг қувлигида соддалик, ғазабида меҳр бор.

Барча болалар шу фитрат билан дунёга келади, шу фитрат билан бизга юзланади. Келинг, тарбияни ана шу фитратни асл холида сақлашдан бошлайлик...