Ф

• 

Подробности

Бўлим: Исмлар

Чиққан санаси: 02 Апрель 2013

(Нашр қилинган санаси)

Фаввоз, Favvoz(ар.) – нажот топувчи, ғалаба қозонувчи.

Фаввоза, Favvoza(ар.) – “Фаввоз”нинг муаннас шакли.

Фавзий, Favziy(ар.) – ғолиб, муваффаққият қозонувчи; нажот топувчи.

Фавзия, Favziya(ар.) – “Фавзий”нинг муаннас шакли.

Фавзон, Favzon(ар.) – ғалаба қозонувчи, ютуққа эришувчи, нажот топувчи.

Фавқий, Favqiy(ар.) – устун, афзал; комил.

Фавқия, Favqiya – “Фавқий”нинг муаннас шакли.

Фазил, Fazil(ар.) – афзал, муносиб; ақлли, фозил.

Фазилат, Fazilat(ар.) – “Фазил”нинг муаннас шакли.

Фазл, Fazl (ар.) – фазл соҳиби, афзал, устун, муносиб * 1) Фазл ибн Аббос ибн Абдулмуттолиб ибн Ҳошим Абу Абдуллоҳ ал-Қуроший ал-Ҳошимий (саҳобий, Абдуллоҳ ибн Аббоснинг туғишган биродари), 2) Фазл ибн Ҳасан ибн Амр ибн Умайя аз-Зомрий ал-Маданий (тобеин), 3) Фазл ибн Мубашшир Абу Бакр ал-Ансорий ( кичик тобеин), 4) Фазл ибн Абу Ҳакам ат-Тоҳий ал-Басрий (катта табаа тобеин), 5) Фазл ибн Сувайд ал-Куфий (катта табаа тобеин).

Фазлиддин, Fazliddin(ар.) – Динда фазилат соҳиби бўлган банда.

Фазлий, Fazliy(ар.) – фазилат соҳиби, афзал, устун.

Фазлия, Fazliya(ар.) – “Фазлий”нинг муаннас шакли.

Файз, Fayz(ар.) – файзли, баракали, хайрли; фаровон; сахий, мурувватли.

Файзали, Fayzali(ар.) – “Файз” ва “Али” исмлари бирикмаси.

Файзанвар, Fayzanvar– “Файз” ва “Анвар” исмлари бирикмаси.

Файзаҳмад, Fayzahmad(ар.) – “Файз” ва “Аҳмад” исмлари бирикмаси.

Файзмақсуд, Fayzmaqsud(ар.) – “Файз” ва “Мақсуд” исмлари бирикмаси.

Файёз, Fayyoz(ар.) – жуда сахий, қўлиочиқ, мурувватли.

Файёза, Fayyoza(ар.) – “Файёз”нинг муаннас шакли.

Файзиддин, Fayziddin(ар.) – Ислом динида кўп яхшиликлар, файз-барака бўлиши ҳамда солиҳ амаллар бажарилишига сабаб бўлувчи банда.

Файзиислом, Fayziislom(ар.) – “Файзиддин” исмининг маънодош шакли.

Файзикарим, Fayzikarim(ар.) – Карим сифатли Аллоҳнинг лутфи-карамига муносиб банда.

Файзимурод, Fayzumurod(ар.) – “Файзи” ва “Мурод” исмлари бирикмаси.

Файзимуҳаммад, Fayzimuhammad(ар.) – “Файзи” ва “Муҳаммад” исмлари бирикмаси.

Файзираҳмон, Fayzirahmon(ар.) – Раҳмон сифатли Аллоҳнинг раҳмат ва марҳаматига сазовор банда.

Файзуллоҳ, Fayzulloh(ар.) – Аллоҳнинг муруввати ва раҳматига муносиб банда.

Файзулҳаққ, Fayzulhaq(ар.) – “Ҳаққ – Аллоҳнинг саховати ва карамига лойиқ банда.

Фараж, Faraj(ар.) – нажот топувчи, қийинчиликдан енгиллик томон чиқувчи; хурсанд, шодон.

Фариза, Fariza(ар.) – ўзига юклатилган бандалик бурчини тўлиқ адо этувчи.

Фариҳа, Fariha(ар.) – бахтли, саодатли, хурсанд, шод.

Фароғат, Farog’at(ар.) – тинч, омон, хотиржам, сокин.

Фаррух, Farrux(фт.) – бахтли, саодатли; чиройли, келишган; адолат билан ҳукм қилувчи.

Фарҳон, Farhon(ар.) – хурсанд, қувноқ, бахтли,

Фасиҳ, Fasih(ар.) – нутқи равшан, фасоҳатли, сухандон, нотиқ.

Фасиҳа, Fasiha(ар.) – “Фасиҳ”нинг муаннас шакли.

Фасоҳат, Fasohat(ар.) – “Фасиҳа” исмининг бошқа кўриниши.

Фатонат, Fatonat(ар.) – (“то” ҳарқи билан) ўткир зеҳнли, зийрак, ақлли.

Фаттоҳберган, Fattohbergan(ар.-ўз.) – бандаларига ризқ ва раҳмат эшикларини очувчи Аллоҳ берган фарзанд.

Фаттоҳберди, Fattohberdi(ар.-ўз.) – “Фаттоҳберган” билан маънодош.

Фаттоҳқул, Fattohqul(ар.-ўз.) – бандаларига ризқ ва раҳмат эшикларини очувчи Аллоҳнинг бандаси.

Фатҳиддин, Fathiddin(ар.) – Диннинг енгилмас, ғолиб курашчиси, фатҳлар соҳиби.

Фатҳуллоҳ, Fathulloh(ар.) – Аллоҳнинг ёрдамига, кўмагига сазовор банда.

Фахриддин, Faxriddin(ар.) – Ислом Динининг фахри, шаъни, шавкати.

Фахриислом, Faxriislom(ар.) – “Фахриддин” исми билан маънодош.

Фахрииймон, Faxriiymon (ар.)–“Фахриддин” билан маънодош.

Фаҳима, Fahima(ар.) – зийрак, фаҳм-фаросатли, ақлли.

Феруз, Feruz(фт.) – ғолиб, музаффар.

Феруза, Feruza(фт.) – “Феруз”нинг муаннас шакли.

Фикрат, Fikrat(ар.) – идрокли, ақлли, фикр-мулоҳазали.

Фирдавс, Firdavs (фт.), (э.а.и.) – жаннатнинг номларидан бири.

Фиросат, Firosat(ар.) – фаҳм-фаросатли, идрокли.

Фитрат, Fitrat(ар.), (э.и.) – фитрати пок, хулқи чиройли.

Фозил, Fozil(ар.) – ақлли, доно, билимдон.

Фозила, Fozila(ар.) – “Фозил”нинг муаннас шакли.

Фозиланвар, Fozilanvar(ар.) – “Фозил” ва “Анвар” исмлари бирикмаси.

Фозилаҳмад, Fozilahmad(ар.) – “Фозил” ва “Аҳмад” исмлари бирикмаси.

Фозилмаҳмуд, Fozilmahmud(ар.) – “Фозил” ва “Маҳмуд” исмлари бирикмаси.

Фозилмуҳаммад, Fozilmuhammad(ар.) – “Фозил” ва “Муҳаммад” исмлари бирикмаси.

Фоиз, Foiz(ар.) – ғалаб қозонувчи, ютуққа эришувчи.

Фоиза, Foiza(ар.) – “Фоиз”нинг муаннас шакли.

Фоиқ, Foiq(ар.) – устун, афзал, юксак.

Фоиқа, Foiqa(ар.) – “Фоиқ”нинг муаннас шакли.

Фокиҳ, Fokih (ар.) – самарага, натижага эришувчи, муваффаққият қозонувчи * Фокиҳ ибн Саъд ал-Ансорий (саҳобий, Абдураҳмон ибн Уқба ибн Фокиҳнинг бобоси).

Фокиҳа, Fokiha(ар.) – “Фокиҳ”нинг муаннас шакли.

Форуқ, Foruq(ар.) – Ҳақ ва ботилни, ҳалол билан ҳаромни бир-биридан фарқловчи; адолатли, ҳақиқат тарафдори (Умар ибн Хаттоб ибн Нуфайл ибн Абдулъуззо ибн Риёҳ ибн Абдуллоҳ ибн Қурт ибн Рузоҳ ибн Адий Абу Ҳафс ал-Қуроший ал-Адавий розийаллоҳу анҳунинг лақаби).

Фотима, Fotima (ар.) – ажратувчи, айирувчи 1) Фотима аз-Заҳро бинти Муҳаммад соллаллоҳу алайҳи ва саллам ибн Абдуллоҳ ибн Абдулмуттолиб Уммул Ҳасан ал-Қурошийя ал-Ҳошимийя (машҳур саҳобия, Расулуллоҳ соллаллоҳу алайҳи ва саллам қизлари, Али ибн Абу Толиб розийаллоҳу анҳунинг завжаси, мусулмон уммати аёлларининг саййидаси,Набий соллаллоҳу алайҳи ва салламдан ўн саккизта ҳадис ривоят қилган), 2) Фотима бинти Мужаллил ибн Абдуллоҳ ибн Абу Қайс Умму Жамийл ал-Қурошийя ал-Омирийя (саҳобия, муҳожиралардан, Муҳаммад ибн Ҳотиб ал-Жумаҳийнинг онаси, баъзи манбаларда бинти Мужаллилнинг исми “Жувайрия” деб келтирилган), 3) Фотима бинти Йамон ал-Абасийя (саҳобийя, Ҳузайфа ибн Йамоннинг синглиси ёки опаси, баъзи манбаларда унинг исми “Хавла” деб келтирилган), 4) Фотима бинти Қайс ибн Холид ал-Қурошийя ал-Фиҳрийя (машҳур саҳобия, муҳожиралардан), 5) Фотима бинти Абу Ҳубайш ал-Қурошийя ал-Асадийя (саҳобия, муҳожиралардан), 6) Фотима бинти Мунзир ибн Зубайр ибн Аввом ал-Қурошийя ал-Асадийя ал-Маданийя (тобеийя, Ҳишом ибн Урванинг завжаси), 7) Фотима бинти Ҳусайн ибн Али ибн Абу Толиб ал-Қурошийя ал-Ҳошимийя ал-Маданийя (кичик тобеинлардан, Ҳасан ибн Ҳасан ибн Али ибн Абу Толибнинг завжаси, Зайнул Обидийннинг синглиси ёки опаси).

Фотиқ, Fotiq(ар.) – шифо топувчи, соғаювчи.

Фотиҳ, Fotih(ар.) – ғолиб, музаффар, фотиҳ.

Фотиҳа, Fotiha(ар.) – “Фотиҳ”нинг муаннас шакли.

Фузайл, Fuzayl (ар.) – “Фозил” исмининг кичрайтирма шакли * 1) Фузайл ибн Иёз ал-Хавлоний (тобеин), 2) Фузайл ибн Фазола ал-Ҳавзаний аш-Шомий (кичик тобеин), 3) Фузайл ибн Иёз ибн Масъуд ибн Бишр Абу Али ат-Таймий (машҳур табаа тобеин, зоҳид, олим ва тақводор зотлардан бўлган), 4) Фузайл ибн Марзуқ Абу Абдураҳмон ал-Ағорр ар-Рақоший (катта табаа тобеин), 5) Фузайл ибн Ғазвон ибн Жарир Абул Фазл аз-Зоббий (катта табаа тобеин).

Фузайла, Fuzayla(ар.) – “Фузайл”нинг муаннас шакли.

Фулайҳ, Fulayh (ар.) – нажот топувчи * Фулайҳ ибн Сулаймон ибн Абу Муғийра Абу Яҳё ал-Хузоъий (катта табаа тобеин).

Фулайҳа, Fulayha(ар.) – “Фулайҳ”нинг муаннас шакли.

Фуод, Fuod(ар.), (а.и.) – қалб, дил, кўнгил; салим қалб соҳибаси.